Gaano ba tayo
kaadik sa Facebook?
Ayon sa inilabas
na report ng website na 24/7 Wall St. noong nakaraang taon, 9 out of 10
Filipinos ay may Facebook account.
Kung dati’y
binansagan ang Pilipinas bilang “texting capital of the world,” ngayon nama’y
maaari na raw tayong bigyan ng titulo bilang “social networking capital of the
world.”
Ikaw, ilan na ba
ang Facebook friends mo?
Sa huling silip
ko sa aking account ay mayroon ng mahigit dalawang libo sa friends list ko.
Napaisip nga ako eh. Marahil ay hindi ko na talaga kilala ang karamihan sa
kanila. At ito ay hindi dahil sa nakalimutan ko na sila kundi dahil hindi ko
naman talaga sila kilala noon pa man.
Noong una, hindi
ako basta-basta pumipindot sa “accept friend request” button kung hindi ko
naman talaga kilala ang nagpapa-add. Pero kalaunan, napilitan wala rin akong
nagawa kundi tumanggap nang tumanggap lalo na’t may mga mutual friends naman
kami. (Nagsimula ito noong maging student leader ako, ayoko naman syempreng
masabihan akong suplado kaya add lang nang add basta’t schoolmate ko.)
Minsan nga,
napapaisip ako. Ganito na ba kababaw ang kahulugan ng salitang “friend” ngayon?
Basta’t kakilala kahit hindi ka-close, friend. Basta’t kakilala ng kakilala,
friend. Ang masaklap, kahit hindi kakilala, friend!
Dati, bago kayo
maging friends, kailangan ng sangkatutak na effort. Kailangan ay kasama mo
palagi. Dapat ay halos araw-araw na kakwentuhan. Dapat ay ‘yung tipong kilala
mo mula ulo hanggang paa. Pero ngayon, kahit friend mo na (sa FB), hindi mo pa
rin kilala. Minsan, magugulat ka pa nga dahil friend mo pala.
Ang pagkaadik
pagkahilig nating ito sa social networking sites ay sinakyan na rin ng mga
negosyante. Halos karamihan ng mga cellphones ay may instant access na sa menu
ang mga sites na gaya ng Facebook. Uso na rin ang unlimited browsing promos ng
iba’t ibang networks. Idagdag mo pa dito ang parami nang paraming wi-fi
hotspots.
Biro nga ng
isang friend ko (totoong friend ko talaga siya at hindi sa FB lang), mas simple
daw ang buhay sa FB. Maaari kang magkaroon ng mansiyon at farm basta’t magsipag
ka lang magtanim. Pwede ka ring magmistulang model sa porma mo sa iyong profile
pic kahit kabaligtaran nito ang tunay na buhay.
Palaisipan din tuloy
sa akin kung gaano kahabang panahon ang ginugugol ng isang ordinaryong Pinoy sa
FB?
Minsan
nakakaasar nakakatawa na lang basahin sa mga posts ng iba. Halos lahat ng kilos
nila ay ikinukwento sa wall nila. Sabagay nga naman, wall nila ‘yun. At gaya
nga ng sabi ko dito, sinasagot lang naman nila ang tanong na
“What’s on your mind?”
Kaya walang
basagan ng trip!
Teka, friend na
ba kita? Pa-add naman!
naaadik na yung mga pinoy sa fb
ReplyDeletePlaygroup Singapore