Ganyan ang naranasan ko nitong
mga nakaraang araw, pero hindi dahil sa pagkain kundi sa mga bagay na
kailangang i-memorize. Ayos lang sana ‘yung mga terminologies pero kapag
sinamahan pa ng sangkatutak na pangalan, patay!
Kapag panahon ng exam, normal na
sa aming magkakaklase ang tila siraulong bulong nang bulong. Kung pagmamasdan
mo nga, parang nag-oorasyon lang. Kanya-kanyang bulong, kanya-kanyang istilo ng
pagre-review.
At pagkatapos ng exam, iba’t iba
ang kadalasang reaksiyon.
Ang ilan ang ‘cool’ lang. Sila
‘yung mga dinibdib ang pagre-review at kinain ang mga reviewers at books. Halimaw,
kumbaga.
Ang iba naman ay iiling-iling
habang binubuklat ang mga reviewers para alamin kung alin ang mga nalimutan.
Sila ‘yung mga halimaw na nagkulang ng konti sa pagkakahalimhim.
Ang iba ay desperado at iniisip
kung papasa ba sila o lalagapak.
Ang ilan ay dedma lang, walang
pakialam. Bakit? Wala rin naman silang pakialam kung bagsak o pasado sa subject
na iyon.
Ikaw, alin ka sa mga nabanggit?
Sa katatapos naming exam, biniro
ako ng isang kaibigan. Buti pa daw ako at kumpleto ang mga sagot ko. Siguro daw
ay dinibdib ko ang pagre-review. Ang hirit ko naman ay ito:
“Kapag ba kumpleto ang sagot,
nag-review na agad? Hindi ba pwedeng nanghula lang muna?”
Birong-totoo. Hangga’t maaari,
ayokong nag-iiwan ng blangko sa papel ko. Pipilitin kong sagutan hangga’t may
mapipiga sa utak kukote ko. Bakasakaling makatsamba!
Kapag nagre-review ako dati,
dibdiban talaga. Hindi ko tinitigilan hangga’t hindi ko nasasagot ang lahat ng
posibleng tanong. Pero habang tumatanda tumatagal pala at parami na rin nang
parami ang trabaho, mahihirapan ka na sa pagsaksak ng kung anu-ano sa kukote
mo.
Dumadating pa ako ngayon sa
puntong parang ayoko nang matulog para lang makapag-review. Pero katwiran ko
naman, kung magpupuyat ka nang sobra sa pagre-review, baka mahirapan ka lang sa
pagsagot kinabukasan. Mas mainam na ‘yung kumpleto ayos ang tulog mo kahit
paano, bakasakaling may maalala ka pa sa konting na-review mo.
Kapag nagre-review din, mas gusto
ko ang nakikinig ng music. Ewan ko ba, para kasing nare-relax ang utak habang
binugbugbog ko ito sa pag-aaral. Ayoko ng tahimik. Ayoko ng walang naririnig. Ayos
lang din kahit na nakaharap pa ako sa telebisyon. Basta ayoko ng pakiramdam na
parang nag-iisa ako habang nag-aaral.
Ikaw, anong style mo sa
pag-aaral?
super overload :) again!!!
ReplyDeletePlaygroup Singapore