Hindi lahat ng mambabasa ay
nabibigyan ng pagkakataon na makilala ang idolo nilang manunulat. Kung kaya’t
maswerte ako ngayong araw dahil sa pambihirang pagkakataong ito.
Itinuturing ko na aksidente ang
pagtatagpo naming iyon. At dahil hindi naman araw-araw ang ganitong pagtatagpo,
sinamantala ko na ito sa pamamagitan ng pagtatanong sa kaniya ng mga tanong na
kay tagal nang palaisipan sa akin.
Narito ang ilang bahagi ng aming
kuwentuhan pag-uusap…
Ako: Naging mabenta ang lahat ng
sinulat mong libro. Ngunit hanggang ngayon ay isang malaking misteryo ang iyong
pagkatao. Bakit ba tila nagtatago ka? Ayaw mo bang makilala ka ng iyong mga
tagahanga? O natatakot ka lang dumugin? Ah, alam ko na! Tinatamad kang pumirma
nang paulit-ulit sa mga libro na koleksiyon ng iyong mga tagahanga, tama ba?
Siya: (ngumisi) Parang ganoon na
nga.
Ako: Kung ganoon, bakit hindi ka
na lang gumamit ng rubber stamp? Mapapadali ang pagpirma mo. Gusto mo ba
regaluhan kita ng stamp pad?
Siya: (tumawa habang umiiling)
Ako: Kung hindi ka isang
manunulat ngayon, ano ka kaya?
Siya: Mambabasa.
Ako: (natawa) Oo nga naman! Sabi
mo dati sa isang libro, ang website mo ay itinuring mong tila anti-biotic na
kinailangang itigil na ang pag-inom dahil sapat na at hindi maaaring sumobra sa
inireseta. ‘Yung sakto lang dahil kapag nasobrahan baka hindi na umepekto.
Bakit sa antibiotic mo ikinumpara iyon? Hindi ba pwedeng sa Biogesic na lang
para safe kahit walang laman ang tiyan at kahit paulit-ulit?
Siya: Ingat!
Kita mo? Kahit ang manunulat ay
nauubusan din ng mga salita kapag minsan.
Napakaigsi ng aming usapan ngunit
punumpuno ng kautuan kabuluhan. Pero paano nga ba nagsanga ang aming landas?
Sa pagmamadali, hindi sinasadyang
makabungguan ko ang isang lalakeng may kipkip na mga folders sa kanyang braso.
Nabitiwan niya ang mga ito at kumalat sa bangketa na aming kinatatayuan. Umupo
ako upang isa-isang pulutin ang mga ito. Paglingon ko sa kaniya na abala rin sa
pagpulot ay nagtama ang aming mga mata. Nagsalubong ang aming mga titig. Tila
tumigil sa pag-ikot ang daigdig sa mga sandaling iyon. Halos ayokong huminga.
Naramdaman kong bumilis ang tibok ng aking puso.
Teka, hindi naman love story ito!
At saka pareho kaming lalake! Hindi iyan ang nangyari.
REWIND!
Sa pagmamadali, hindi sinasadyang
makabungguan ko ang isang lalakeng may kipkip na mga folders sa kanyang braso.
Nabitiwan niya ang mga ito at kumalat sa bangketa na aming kinatatayuan. Umupo
ako upang isa-isang pulutin ang mga ito. Paglingon ko, hindi sinasadyang nabasa
ko ang pangalan sa resume’ na kasalukuyan kong dinadampot. Napalingon ako sa
kaniya.
Hindi ko na alam ang sumunod na
nangyari. Nakita ko na lang ang aking sarili na nagkakape kasama ang mamang ito
sa isang lugawan sa bangketa malapit sa palengke. Hindi ko alintana ang lugar.
Ang iniisip ko lamang ay sulitin ang pagkakataon na makasabay sa almusal ang
awtor na sumulat ng mga librong kabilang sa aking koleksiyon.
*****
Iyan ang aking kathang diary
entry para sa eksam sa writing subject namin.
Akala mo ba totoo?
Akala ko nga totoo, nakaramdam pa ko ng bahagyang inggit dahil akala ko nakilala mo nga si idol, haha. Nice
ReplyDeletediary knows best :D
ReplyDeletePlaygroup Singapore