Patay! Iyan ang reaksiyon ko nang
mabasa ko ang tanong na ‘yan dati. Iyan ang isa sa mga tanong ng titser ko sa
isang English subject dati. At naging isang malaking palaisipan kung paano ko ito
masasagot.
Hindi ako mahilig magbasa ng mga
libro. Ewan ko ba kung bakit. Hindi naman sa hindi ako mahilig magbasa. Ayoko
lang talaga ng mga makakapal na librong tila kakain ng ilang buwan bago ko
matapos basahin.
Mahilig naman akong magbasa ng
diyaryo, text, blog, at kung anu-ano pa. Dati nga, kahit pinambalot na ng
tinapa, pinagtitiyagaan ko pa ring basahin. Hindi ko alam kung anong nangyari
at hindi ako nahilig sa mga pang-genius na mga libro.
Muntik ko nang maisipang
mag-imbento ng isasagot. Buti na lang bumulong ang katabi ko na tila nahulaan
ang iniisip ko.
“Dude, mahilig ka naman kay Bob Ong. Hindi ba books ang mga
sinusulat nya?”
Pinahiram lang sa akin dati ng
isang kaibigan ang isang libro na tiyak na magugustuhan ko raw. Napailing nga
lang ako dahil alam na alam naman niya na hindi talaga ako mahilig magbasa.
Pero subukan ko daw munang buklatin bago ako magreklamo. At dahil nagpauto
nakumbinsi ako, ganun nga ang ginawa ko.
Buklat. Buklat. Buklat.
Basa. Basa. Basa.
Bago ko pa namalayan, natapos ko
ang libro na may ngiti sa aking mga labi. Marahil ay nagustuhan ko ang istilo
ng pagsausulat niya. O di kaya’y mas tumatak sa akin ang laman nito. O maaari
rin naming nakita ko ang sarili ko sa mga kwento niya.
At ano ang sumunod na nangyari? Naghanap
na ako agad ng kasunod. Nakita ko na lang ang sarili ko na kinukumpleto ang
koleksiyon ko ng mga aklat na sinulat niya.
ABNKKBSNPLAko – iyan ang unang
aklat na gumising sa aking natutulog na interes sa pagbasa.
Malaki ang naging epekto sa
aking buhay ng mga librong sinulat ni Bob Ong. Obvious namang pati pangalan
nitong blog ay ebidensiya ng impluwensiya niya sa aking pagkatao.
At sa ngayon, pinipilit
kinukumbinsi ko na rin ang sarili ko na mahalin ang pagbabasa. Hindi pwedeng
hindi, English major ako. At kailangan sa kurso ko ang magbasa nang magbasa.
At sabi nga ng isa kong titser,
bahagi daw ng araw-araw nating buhay ang pagbabasa. Mula sa simpleng pagte-text
at pagtingin kung nakapula ba o berde ang ilaw ng traffic light, pagbabasa na
daw iyon. Oo nga naman. At sabi nga ng kapitbahay kong si ni Francis Bacon, "Reading maketh a full man."
Ikaw, anong libro ang may pinakamalaking epekto sa buhay mo?
abnkkbsnplako, nakakatuwang libro :)
ReplyDeletePlaygroup Singapore